ضجة اعلامية كبيرة/ نيللي كريم ترد على 3 شائعات وتكشف حقيقة علاقتها بظافر العابدين (صور)

في حوار مطول وغير مسبوق مع جمهورها على موقع تويتر، ردت النجمة نيللي كريم على ثلاث شائعات تخص مصير أعمالها المقبلة، وبخاصة الجزء الثاني من “ب 100 وش” والجزء الثالث من فيلم “الفيل الأزرق” وفيلم “الفارس”، وحقيقة الغاء مسلسلها في موسم رمضان 2021 كما تحدثت عن الأعمال الفنية التي نالت اهتمامها مؤخرا، وكشفت عن أكثر شيء يرعبها.

نيللي كريم أكدت أن الحديث عن جزء ثان من مسلسل 100 وش غير صحيح، وقالت: سيكون هناك عمل سينمائي وليس مسلسل ولدى عمل درامي جديد أقوم بالتحضير إليه للعرض في رمضان المقبل وليس كما أطلق عليه البعض اسم “وضع طيران”.

وأضافت: أما الحديث عن جزء ثالث من فيلم الفيل الأزرق وهو كان في كلام بس لحد دلوقتي معتقدش هنعمله او ممكن.. بس دلوقتي مفيش كلام عليه عشان كلنا مشغولين وبنصور فمفتكرش دلوقتي فيه حاجة”.

وأوضحت الفنانة نيللي كريم، “مصير فيلم الفارس الذي كان يشاركها البطولة فيه كريم عبد العزيز والمخرج محمد سامي قائلة: حسب معرفتي ان هذا المشروع توقف منذ سنتين وحاليا أقوم بتصوير فيلم “العميل صفر” مع المخرج محمد سامي بطوله أكرم حسنى”.

وأكدت نيللي كريم إنها تعاني من فوبيا المرتفعات، وقالت ردا على سؤال عن أكثر شيء تخاف منه قائلة: كلنا عندنا فوبيا مفيش بني ادم معندهوش فوبيا حتى لو مش بيقول. انا مش بحب الأدوار المرتفعة خالص يعني مش بحب الأدوار العالية ومش بحب الأماكن المقفولة يعني حتى لو مش جنينه او مكان على الأرض بحب يكون فيه بلكونه او حاجه مش بحب أحس بالخانقة ابدا. بس مش بخاف من الاسانسيرات عادي.

وأبدت نيللي كريم إعجابها الشديد بالمسلسلات الأوروبية، وقالت إنها شاهدت مؤخرا مسلسل The queen’s gambit ونال إعجابها، وقالت: واتفرجت على مسلسل روسي عن الملكة كاترين و بردو كان مسلسل حلو.

وقد يكون هنالك عمل ضخم مع الممثل ظافر العابدين ..و كانت عبارة “العمل مع ظافر أمر رهيب و تتمناه أي ممثلة” أنه ساحر مما ذهب العديد على انها معجبة به

وأكدت نيللي أن “فيروز الصغيرة” كانت فتاة أحلامها والممثلة المفضلة لها، قائلة: انا كنت بحب كل افلام الممثلة فيروز الصغيرة يمكن علشان انا لما كنت بتفرج على الافلام ديه كانت هي من سني فهي ديه كانت بطلتي المفضلة.

أضافت: يعني لو لقيت فيلم هي موجودة فيه مع انور وجدي لازم كنت اتفرج عليه بصراحة ده كان اكتر حاجه بحبها في الحياة يعني فيلم دهب كنت بحبه جدا جدا.

وكشفت عن ولعها بتقليد استعراضات الفنانة نيللي في فوازير رمضان وقالت: من الحاجات الحلوة اللي كنت بتفرج عليها وكان نفسي اقلدها الفوازير طبعا بتاعت الفنانة نيللي كنت بحبها جدا.

وقدمت نيللي خلاصة تجربتها في الحياة لمتابعيها قائلة: انا من خبرتي في حياتي يعني اهم حاجه اللي يخلص الجامعة لو هو مخلص جامعه بيحبها وعايز يكمل في دراستها ويتعمق اكتر يعمل كده ولو هو خلص بس نفسه يجرب حاجات تانيه يعملها. يعني مرات كتير اوي مثلا حد بيخلص business بس هو نفسه يمثل… يمشي ورا حلمه بس بردو يخلي شغله ودراسته على جنب.

وتابعت: بس يمشي على حلمه ومهم اوي إنك تكون بتعمل الحاجة اللي بتحبها لان ساعات بنطر ندرس حاجات حابنها بس نفسنا بردو نعمل حاجات تانيه نحقق حلمنا فيها ممكن تكون اي حاجه حد نفسه يتسلق الجبال او يغني او يمثل او حد بيرسمdesigns يعني الاحلام مش بتخلص لان في احلام كتير طول ما احنا عيشين بنحلم.

واختتمت الحوار الذي امتد إلى الساعات الأولى من فجر اليوم الخميس بتغريدة قالت فيها: عايزه في النهايه أرحب بجميع الفانز من كل جميع الدول العربيه و دايما يارب الفن يجمعنا و الكلمه الحلوه تجمعنا و الفن جميل لان بحس الفن فعلا بيوحدنا كده في الحاجات الحلوه و نستمتع مع بعض و بجد ميرسي ليكوا كلكوا من قلبي.

المصدر: مجلة سيدتي