العياري يؤكد تورط وزير الصناعة و التيار الديمقراطي في صفقة الأكياس البلاستيكية (وثائق خطيرة)

كشف النائب عن حزب أمل و عمل ياسين العياري عديد الوثائق و القرائن التى تدين وزير الصناعة وزير الصناعة والمؤسسات الصغرى والمتوسطة صالح بن يوسف و حزب التيار الديمقراطي في قضية الفساد الخاصة بلوبي البلاستيك.ونشر العياري صورا مرفوقة بتدوينة عبر صفحته بموقع التواصل الاجتماعي يؤكد فيها تورط عديد الاطراف في هذه القضية’.

وجاءت تدوينة كالاتي ‘ إلى السيد نصر علي شقرون، دام عزه!وصلني ردكم، تفطنت إليه بصعوبة، وسط هجمات لا تحصى و لا تعد من قبل أنصار الحزب الي مكرديلهم المقر.موش بش نطول عليك، و سأعقب على “مغالطاتك”- بيو بلاستيك، ما يدخلش في صناعة شكاير السيمان بلا بلا بلا.. ريق فارغ!قلي علاش؟كيف ندخل للسجل الوطني للمؤسسات، و نشوف النشاط المسجل للشركة متاعك، نلقى كان البيو بلاستيك؟لا حبيبي، نلقاك عندك الحق باش تصنع كل أنواع اللف و التعليب، القابل للتحلل و الغير قابل للتحلل.يعني توة تصنع كان في البيو بلاستيك، لا شيء يمنعك من صنع شكاير السيمان، ما كنتش تصنع فيهم فقط لأن ذلك كان ممنوع قبل أن تصدر حكومة القوية العادلة، ضد رأي وزارة البيئة، الأمر الحكومي السيء الذكر.ال fiche entreprise هاني في التصاور، تنجم تثبت.- صالح بن يوسف ما عندوش مصالح في biopackبالحق؟ أنا مصدقك راهو! الي يعطي لحزب مقر عام منغير ما يخلص، ما ينجم كان يصطاد لربي! و ثقة.هاو وريقتين، وحدة من الرائد الرسمي التونسي، فيها الإعلان على تأسيس biopack.شكون من المساهمين؟ ثبت تره! هاني هبطت نسخة.3s sicarيعني 3s sicar تملك في بيوباك.تره شوف كيف نهبطو الستاتو متع 3s sicarشكون نلقاو مصحح؟ شكون؟ زعمة شكون!سي صالح بن يوسف و حرمه.نذكرك بالقانون عدد 46 لسنة 2018 يعتبر مصالح قرينك، مصالحك.هانو هبطلك آخر تحديث موجود ديما على السجل الوطني للمؤسسات.

يعني صالح بن يوسف عنده مصالح هو و مرته فين؟ فين؟ في biopack، عليك نور! biopack الي اش تصنع؟ البلاستيك! و هو كذلكقلتلنا هو عنده سهم على 2000 .. باهي و حرمه ؟الوزير بعضمة لسانه الصباح في الراديو قال عنده أسهم و باعها، لا بش يبيعها :)، لا لا ما باعش، صعيب بيعانها:) نصدقوك إنت و إلا شريكك تو؟- سي شقرون، ذهاب الناس للقضاء عمل نبيل و متحضر، نحييك عليك.و نأكدلك و ألتزم قدام التوانسة، أني لن أتمسك بالحصانة، و إني بش نربح و بش نشكي بيك إدعاء بالباطل، و نطلب تعويض، يساوي قيمة الي تساله لحزب صديق، نخلصهم من الدين متاعهم، رغم انهم من الصباح، و رغم إنه أسئلتي مشروعة و صلب خدمتي، طاحوا إلى مستويات متدنية جدا.

أعتقد هذا يجيب على “إجابتك” و على عكسك، كيما قاعد ترى، كل كلمة نقولها، وراها وثيقة من مؤسسات الدولة التونسية.الحق ما نعرفكش، و ما عندي حتى مشكلة شخصية معاك لا مع الحزب الي تكرديله، مشكلتي الحقيقية هي تونس الخضراء الي يحبوا يلوثوها ب 150 مليون صاك بلاستيك في العام.لكن بما إنك طلعت تعاون (لوجه الله) في الأحزاب، و عندك تأثير سياسي إذا، فإسمحلي نعلمك، انه تقارب هيكزابايت و غلوبالنات مثلا موضوع يستحق الدرس، و يستحق نشوفوا مع مجلس المنافسة و هل هناك ضرر للمستهلك، و هذا فقط كبداية، خاطر ما نعرش كان قالولك الكراية متع محلك، أنا نائب شعب، و هذا عمل، نائب الشعب : حماية مصالح التوانسة.”.

وكان التيار الديمقراطي أعلن أنه سيقوم بتقديم شكاية في الثلب ونشر الأخبار الزائفة ضد ياسين العياري، مشدّدا على إصراره على “محاربة الفاسدين دون استثناء ومهما كانت انتماءاتهم غير عابئ بأي تشويش صادر عن مبيضي الأموال وأعوانهم، وسيعرض الوزير المعني كل ما تم القيام به في الغرض قبل مغادرة منصبه”.