العلوي : رئيس الجمهورية أصبح اختصاصه “وعود متاع سبيطارات”

اِنتقد النائب بكتلة ائتلاف الكرامة عبد اللطيف العلوي، اليوم الأحد 14 مارس 2021، رئيس الجمهورية قيس سعيّد، قائلا الرئيس أصبح اِختصاصه “وعود متع سبيطارات”.
وكتب العلوي، في تديونة على صفحته الخاصة بالفايسبوك، “ياخي هو اسّع شبيه اختصاصه وعود متع سبيطارات؟! علاش ما ينوّعشي شوي مرّة صحّه مرّة رياضة مرّة صناعه؟! يطلعش ناوي باش يجلطنا النّاس الكل؟!
وشنوّة حكاية العسكر اللّي شادد فيها في كلّ شيء؟!

قنطرة ثلاثة ميترو عطاها للهندسة العسكريّة!!

المدينة الصّحّية الوهمية متع القيروان عطاها للصحة العسكرية!!

سبيطار قابس متع اليوم زاده للصّحّة العسكريّه!!

ياخي يطلعش ماشي فيباله الّي احنا عايشين في بورما ولاّ في مصر؟!!

فيّقوه! قولوا رانا في تونس! في دولة مدنيّة ماناش عايشين في ثكنة ولاّ في مقاطعة تابعة السّيسي!!

ريتوا كيفاش تلزّوا فيّ للعيب!!

قلتلكم بففف وخلّوني ساكت!!! شدّيتوا صحيح آش فمّه؟! وشبيك تنفخ علينا!!!

يا أولادي ننفخ على روحي وعلى سعدي المكبوب، باهيش هكّه!!!؟”.