الدكتورة أسماء بابا : إنتصرنا على الكورونا قبل الدول العظمى و بدل إننا نستغلو الإنجاز للنهوض بتونس إستغليناه بالإضرابات و الإعتصامات

نشرت الدكتورة أسماء بابا تدوينة على حسابها الشخصي بالفايسبوك قالت فيها بأن تونس إنتصرت قبل الدول الكبرى على فيروس كورونا و من المفترض أن يقع إستثمار هذا الإنجاز للترويج للنموذج التونسي عالميا بدل إستغلاله في الإضرابات و الإعتصامات و هذا نص التدوينة :

وزير الصحة: “تونس شبه خالية حاليا من فيروس كورونا” شهرين لتالي الجملة هذه كانت #حلمة كل تونسي . الجملة هذه هي حاليا #حلمة كل مصري و جزايري و أمريكي و برازيلي وووو …. الحلمة و تحققت … دولتنا الصغيرة محدودة الموارد الي تعاني الديون … اختارت الصحة قبل الاقتصاد … اختارت حياة التوانسة… الشي هذا ما قامتش به دول عظمى متقدمة و متطورة و يحلم يعيش فيها اي انسان … احنا عايشين في نعمة و خير و مناش حامدين ربي … و فوق هذا و دونه … وقتلي اي دولة تستنى توصل للي وصلنالو باش تركز في اقتصادها … في استثمارها في تدوير العجلة ملول و جديد … احنا فاش نعملو ؟

  • مطالب بتغيير نظام رئاسي – مطالب بإسقاط البرلمان – مطالب بسحب الثقة من رئيس برلمان – مطالب بتغيير دستور – مطالب بجمهورية ثالثة …. ملخر ناس تسعى باش تعمل في البلاد الي الكورونا ما عملتوش …. الناس هذوم ما يمثلوش 1% من الشعب التونسي … الشعب التونسي عمره ما كانت هذه مشاكله .. الشعب في #واد … و طبقة سياسية بائسة ينفخ في صورتها إعلاميين بائسين … في #واد …. كان جات الدنيا دنيا… خبر “تونس شبه خالية حاليا من فيروس كورونا” يكون #إنطلاقة للبناء و الاستثمار و الخدمة … لتوحيد الصفوف و انقاذ البلاد … تكون فرصة للمنافسة شكون يخدم البلاد أكثر شكون يقدم حلول أحسن … في الوقت الي جيرانا يعانيو الحروب و يعانيو الوباء و الاستبداد و القهر و الظلم …. احنا … المحظوظين … ديما نضيّعو في الفرص الي يعطيهملنا ربي ….